१६ फागुन, काठमाडौं । नेपाल कम्युनिस्ट पार्टी ओली समूहले संसदीय दलको प्रमुख सचेतक परिवर्तनको निर्णय संसद सचिवालयलाई जानकारी गराएको छ ।
आइतबार प्रधानमन्त्री केपी शर्मा ओलीले संसद सचिवालयलाई पत्र लेखी प्रमुख सचेतक परिवर्तन भएको जानकारी गराएका हुन् ।
संसद सचिवालयका महासचिव भरतराज गौतमले उक्त पत्र बुझेका छन् । साथै आइतबार नै सिंहदरबारमा भट्टराईको कार्यकक्ष तयार भएको छ ।
दलको प्रमुख सचेतक परिवर्तनको निर्णय जानकारीमा आएपछि तत्कालिन एमालेको संसदीय दल रहेको ठाउँमा भट्टराईलाई कार्यकक्ष तयार गरेर दिइएको संसद सचिवालयले जनाएको छ ।
गाडी र ऐन अनुसारको अन्य सुविधा समेत प्रदान गरिएको छ ।
गत शुक्रबार नेकपा ओली समूहका अध्यक्ष तथा संसदीय दलका नेता ओलीले प्रमुख सचेतकबाट देव गुरुङलाई हटाएर विशाल भट्टराईलाई नियुक्त गरेका थिए । नेकपा प्रचण्ड–माधव समूहले भने नेकपा संसदीय दलको नेताबाट ओलीलाई हटाइसकेको बताउँदै आएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4