संसद भवनमा पत्रकारहरुसँग कुरा गर्दै सभामुख अग्नि सापकोटा । तस्वीर : सभामुखको सचिवालय
१ साउन, काठमाडौं । सभामुख अग्निप्रसाद सापकोटाले दलहरुबीच बृहत्तर राष्ट्रिय एकताको खाँचो रहेको बताएका छन् ।
काठमाडौंको नयाँबानेश्वरस्थित संसद भवनमा शुक्रबार पत्रकारहरुसँग कुरा गर्दै सभामुख सापकोटाले समग्र राष्ट्रिय परिस्थितिलाई विचार गर्दा फेरि पनि बृहत्तर राष्ट्रिय एकताको खाँचो रहेको बताए ।
‘हामीले आत्मनिर्णयको अधिकार प्रयोग गर्दै अगाडि बढ्नको लागि र संविधान जारी भएपछि जनताको आशालाई विश्वासमा परिणत गर्नका लागि हरेक हिसाबले बृहत् राष्ट्रिय एकताको खाँचो छ’, उनले भने ।
यही साउन ३ गते बोलाइएको संसद अधिवेशनको तयारीबारे स्थलगत अवलोकन गर्न उनी संसद भवन पुगेका हुन् । उनले संसद भवनको सभाकक्ष लगायतको अवलोकन समेत गरेका छन् ।
संसद अधिवेशन शुरु हुनुअघि शुक्रबार सभामुख, सांसद लगायतको एन्टिजेन परीक्षण पनि गरिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
भर्खरै
पुराना
लोकप्रिय
Hot Properties
ट्रेन्डिङ
Advertisment
प्रतिक्रिया 4