२०७८ चैत २२ गते ११:३७ 
२२ चैत, काठमाडौं । बाँसबारी क्लबलाई ५–१ गोल अन्तरले हराउँदै चर्च ब्वाइज युनाइटेड ए डिभिजन लिगमा बढुवा भएको छ ।
एन्फा कम्लेक्स सातदोबाटोमा भएको खेलमा चर्च ब्वाइजलाई जिताउन साइमन लिम्बू एक्लैले चार गोल गरे । उनले खेलको ७, ३७, ४१ र ८१ औं मिनेटमा गोल गरे । ८१ औं मिनेटको उनको गोल भने पेनाल्टीमा भएको थियो । यस्तै आशिष चौधरीेले १ गोल १७ औं मिनेटमा गरेका थिए ।
बाँसबारी सन्जीव धिमालले ५८औं मिनेटमा गोल गरे ।
१२ खेलमा २६ अंक जोडेको चर्च ब्वाइज बी डिभिजन लिगमा १ खेल बाँकी छँदै शीर्ष डिभिजनमा बढुवा भएको हो ।
पोहोर चैतमा भएको सी डिभिजन लिगको विजेता बन्दै चर्च ब्वाइज बी डिभिजनमा बढुवा भएको थियो । त्यसको एक वर्षमा नै चर्च ब्वाइज फेरि बढुवा भएर ए डिभिजनमा उक्लिएको हो ।
बी डिभिजनबाट दुई टिम ए डिभिजनमा उक्लिने छन् । अर्को टिमको टुंगो लाग्न भने बाँकी छ ।
प्रतिक्रिया 4