अस्मिता अधिकारी र करण परियारको ‘मैले सम्झिने मान्छे’

काठमाडौं । अस्मिता अधिकारी करण परियारको स्वरमा ‘मैले सम्झिने मान्छे’ गीत सार्वजनिक भएको छ । नेपाल आइडल सिजन ५ का विजेता समेत रहेका करणको स्वरमा सार्वजनिक भएको यो दोस्रो गीत हो ।

गीतलाई डा. विष्णु दाहालले लेखेका हुन् भने अर्जुन पोखरेलले संगीत गरेका छन् । गीतमा महाराज थापाको एरेन्ज छ ।

प्रेमिल भावको गीतको भिडियोलाई निकेश खड्काले निर्देशन गरेका छन् । भिडियोमा सनिशा भट्टराई र शीतल वाग्लेले अभिनय गरेका छन् ।

भिडियोमा मानकृष्ण महर्जन र पवन सुस्लिङको छायांकन र विकास धमलाको सम्पादन तथा कलर संयोजन छ ।