![](https://www.onlinekhabar.com/wp-content/uploads/2022/04/lamahi-nagarpalika.jpg)
१ साउन, देउखुरी । दाङको लमही नगरपालिकाको आर्थिक वर्ष २०८१/८२ को आर्थिक ऐन पास हुन नसक्दा सेवा प्रभावित भएको छ ।
ऐन पास नहुँदा नगरपालिकाले खर्च गर्न पाउँदैन । यसले गर्दा नगरका साथै वडाबाट प्रवाह गरिने कतिपय सेवा पनि प्रभावित बनेका छन् ।
नगरपालिकाले असार मसान्तभित्र आर्थिक ऐन पास गरिसक्नुपथ्र्यो । तर नगरपालिकाको आन्तरिक विवादका कारण ऐन पास हुन सकेन ।
नगर प्रमुख जोगराज चौधरीले नयाँ ऐन तत्कालै पास गर्ने तयारी भइरहेको जानकारी दिए । उनले भने, ‘पर्सि (बिहीबार)सम्म ऐेन बन्छ । त्यसपछि बैठक बसेर पास गछौं ।’
प्रमुख प्रशासकीय अधिकृत प्रकाश देवकोटाले विषयगत समितिको बैठक नबस्दा नयाँ आर्थिक ऐेन पास हुन नसकेको बताए । ‘अहिले तयारी भइरहेको छ । सायद एक, दुईदिनमा यो समस्या समाधान होला,’ उनले भने ।
देउखुरीबाट शिवु खनाल
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4