पूजा शर्माले बाँडिन् बाढीपीडितलाई निःशुल्क खाना

काठमाडौं । अभिनेत्री पूजा शर्माले काठमाडौंको बल्खु क्षेत्र र ललितपुरको धोबीघाटका बाढी प्रभावित परिवारलाई निःशुल्क खाना वितरण गरेकी छन् । आफ्नै हातबाट उनले खाना वितरण गरेकी थिइन् ।

धोबीघाटमा रहेको आफ्नो ट्याग रेस्टुरेन्टअघि र बल्खु क्षेत्रमा पुगेर उनले खान बाँडेकी हुन् । ‘जब बाढी आउँछ, हामी समुदायको रुपमा उदाउँछौं’ उनले यो नारासहित फेसबुकमा क्याप्सन समेत लेखेकी छिन् ।

पछिल्लो शुक्रबार र शनिबार बागमती र गण्डकी प्रदेशमा भीषण बाढी आउँदा सयौंले ज्यान गुमाएका छन् भने सयौं घर डुबानमा परेका छन् ।

तस्वीर : चन्द्रबहादुर आले/अनलाइनखबर