११ पुस, काठमाडौं । संघीय संसद् सचिवालयले बिहीबार संसदीय मैत्री समूहमा राजनीतिक दलहरूबीच भागबन्डा गरेको छ । संसदीय मैत्री समूहको संयोजकमा यसअघि राजनीतिक दलहरूबीच सहमति नजुट्दा गठन हुन सकेको थिएन ।
मैत्री समूहमा रहने सदस्यहरू यसअघि नै टुंगो लगाइएको थियो । बिहीबार गठित मैत्री समूहमा अमेरिकासहित १४ वटा देशको संयोजक नेपाली कांग्रेसको भागमा परेको छ ।
अमेरिकामा नेपाली कांग्रेसका तर्फबाट प्रकाशशरण महत संयोजक रहेका छन् ।
त्यस्तै, नेकपा एमालेले भारतसहित १२ वटा देशको मैत्री समूहको संयोजक लिएको छ । भारतमा एमालेले रघुवीर महासेठलाई संयोजक बनाएको छ ।
नेकपा माओवादी केन्द्रले चीनसहित ६ वटा देशमा मैत्री समूहको संयोजक लिएको छ । चीनमा माओवादीले नारायणकाजी श्रेष्ठलाई संयोजक बनाएको छ ।
संसद सचिवालयका अनुसार नेपालसँग दौत्य सम्बन्ध भएका देशमा संसदीय मैत्री समूह गठन गर्ने अभ्यास छ ।
नेपालसँग दौत्य सम्बन्ध भएका विभिन्न देशसँग संसदीय अभ्यास र अनुभव आदानप्रदान गर्नका लागि राष्ट्रियसभा र प्रतिनिधिसभामा रहेका सांसदहरू रहेका संसदीय मैत्री समूह गठन गर्ने गरिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4