१६ पुस, काठमाडौं । काठमाडौं विश्वविद्यालय (केयू) मा पनि उपकुलपति नियुक्तिका लागि खुला आवेदन माग गरिने भएको छ । उपकुलपति छनोट गर्न गठित समितिले उपकुलपति नियुक्तिका लागि आवेदन खुला गर्न कार्यविधि बनाइरहेको छ ।
‘यसपटक उपकुलपतिका लागि खुला आह्वान गर्छौं । केही दिनमा कार्यविधिसहित आह्वान गर्छौं,’ छनोट समितिका संयोजक पूर्वउपकुलपति सुरेशराज शर्माले भने । अरू विश्वविद्यालयमा पनि खुला आह्वान गरिएकाले केयूले पनि सोही विधि अपनाउन लागेको हो ।
‘सबैको माग खुला गर्नुपर्छ भन्ने आयो । अरू विश्वविद्यालयमा पनि त्यसरी नै हुन थालेकाले हो,’ शर्माले भने । यसअघि केयूमा सिधै नाम सिफारिस गर्ने गरिएको थियो ।
६ माघदेखि हालका उपकुलपति प्राडा भोला थापाको चार वर्षे कार्यकाल सकिन लागेकाले नयाँ उपकुलपति छनोट गर्न लागिएको हो ।
समितिमा प्राडा अर्जुन कार्की र पूर्वशिक्षा सचिव जनार्दन नेपाल सदस्य छन् । समिति २९ मंसिरमा बनाइएको थियो।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4