नेपाल राष्ट्रिय कर्मचारी संगठन (नेपाल बैंक)को अध्यक्षमा सुवेदी निर्विरोध

१६ पुस, विराटनगर। नेपाल बैंक लिमिटेडको ट्रेड युनियन नेपाल राष्ट्रिय कर्मचारी संगठनको अध्यक्षमा गोविन्दप्रसाद सुवेदी निर्विरोध निर्वाचित भएका छन्।

चौथो महाधिवेशनबाट अध्यक्षम सुवेदी निर्विरोध निर्वाचित भएका हन् । महासचिवमा मोहनकुमार श्रेष्ठ पनि निर्विरोध निर्वाचित भएका छन् ।

कर्मचारी संगठनको महाधिवेशन भक्तपुरमा भएको थियो । अधिवेशनमा ५ सय बढी प्रतिनिधि सहभागी थिए।

महाधिवेशनबाट अध्यक्षमा सुवेदीसहित ५१ सदस्यीय केन्द्रीय समिति र १३३ सदस्यीय केन्द्रीय परिषद समिति पनि निर्विरोध भएको छ । महाधिवेशनको उद्घाटन माओवादी केन्द्रका उप–महासचिव इन्चार्ज हरिबोल गजुरेलले गरेका थिए ।

अधिवेशनलाई सम्बोधन गर्दै गजुरेलले नेपाल बैंक लिमिटेडले आफ्नो शाख र गरिमालाई पुर्नजागृत गर्दै पहिलो नम्बरमा ल्याउन संगठन र बैंक व्यवस्थापन एकजुट भएर लाग्न आग्रह गरेका थिए।

यस्तै नेपाल बैंक लिमिटेडका प्रमुख कार्यकारी अधिकृत तिलक राज पाण्डेले बैंकको समग्र विकासमा ट्रेड युनियनहरूले खेलेको भूमिकाहरूको सराहना गरे ।