२०८१ पुष १९ गते २०:०९ 
१९ पुस, काठमाडौं । यही पुस २१ गतेदेखि सुरु हुने जय ट्रफी एलिट कप पुरूष क्रिकेट प्रतियोगिताका लागि मधेश प्रदेशले अन्तिम टोली घोषणा गरेको छ ।
मधेश प्रदेश क्रिकेट संघले शुक्रबार हरिशंकर साहको कप्तानीमा १५ सदस्यीय अन्तिम टोलीको घोषणा गरेको हो । यसअघि संघले गत शनिबार बन्द प्रशिक्षणका लागि २२ खेलाडीको नाम सार्वजनिक गरेको थियो । त्यसबाट अन्तिम टोली चयन गरिएको हो ।
टोलीमा उपकप्तानमा यू-१९ राष्ट्रिय टिमका खेलाडी अभिषेक तिवारी छन् । टोलीको अन्य खेलाडीमा रुपेश सिंह, मयन यादव, निरज कुमार यादव, साहिल पटेल, भुलावना साहनी, विशाल पटेल, रन्जित कुमार, राजेश यादव, प्रदिप पासवान, अफ्रुदिन रेइन, हिमान्शु दत्त, राहुल मण्डल र सैलेन्द्र शाह छन् ।
यस्तै चार खेलाडीलाई रिजर्भमा राखिएको छ । अरनिको यादव, विशाल सुस्लिङ, राज पटेल र सफवान अली रिजर्भमा छन् ।
जय ट्रफी खेल्ने अन्य तीन टोली बागमती प्रदेश, नेपाल पुलिस र त्रिभुवन आर्मीको पनि अन्तिम टोली घोषणा भइसकेको छ ।
प्रतिक्रिया 4