२०८१ पुष २१ गते ९:१७ 
२१ पुस, काठमाडौं । रोवर्ट लेवान्डोस्कीको दुई गोल मद्दतमा बार्सिलोनाले बार्बास्ट्रोलाई ४-० ले पराजित गर्दै कोपा डेल रे को अन्तिम १६ मा प्रवेश गरेको छ ।
चौथो श्रेणीको क्लब बार्बास्ट्रोको मैदानमा भएको खेलमा बार्सिलोनाले बलियो टोली उतारेको थियो । जहाँ लेवान्डोस्कीले ३१औं र ४७औं मिनेटमा गोल गरे ।
त्यसअघि एरिक गार्सियाले २१औं मिनेटमा गोल गर्दै अग्रता दिलाएका थिए । यस्तै पाब्लो टोरेले ५६औं मिनेटमा गोल गरे ।
बार्सिलोनाले कीर्तिमानी ३१ पटक कोपा डेल रे को उपाधि जितेको छ । तर २०२०-२१ देखि भने यो उपाधि जित्न सकेको छैन ।
प्रतिक्रिया 4