काठमाडौं । नेपाल क्लाइम्बिङ स्पोर्टस् एशोसिएसन अन्तर्गत बागमती प्रदेश कमिटी र काठमाडौं उपत्यका कमिटीको नयाँ कार्यसमिति चयन भएको छ । दुवै कमिटीमा ९–९ सदस्यीय कार्यसमिति चयन भएको हो ।
बागमती प्रदेश कमिटीको अध्यक्षमा कल्पना महर्जन निर्वाचित भएकी छन् । उपाध्यक्षमा रविन्द्र महर्जन र सुरज बस्नेत चुनिएका छन् । सचिवमा नवीना गुरुङ र कोषाध्यक्षमा डोमा तामाङ चयन भएका छन् । सदस्यहरुमा दावा टासी शेर्पा, चन्द्र कृष्ण चक्रधर र मनीष महर्जन निर्वाचित भए ।
यसैगरी काठमाडौं उपत्यका कमिटीमा रुपेश अधिकारी अध्यक्ष निर्वाचित भएका छन् । उपाध्यक्ष श्रीधर पौडेल र बुद्धिराम शर्मा निर्वाचित भएका छन् ।
सचिवमा सुवास सुवेदी, कोषाध्यक्षमा हरिभक्त महर्जन तथा सदस्यहरुमा शोभा सापकोटा थापा, विजय प्रसाद बस्याल, जित बुधवार, गंगा थापा मगर निर्वाचित भएका छन् । निर्वाचित कमिटीले शनिबारै सपथग्रहण पनि गरेको छ ।
नयाँ नेतृत्व चयन प्रक्रियाका लागि ललितपुरको ज्वागलस्थित एक पार्टी प्यालेसमा कार्यक्रम आयोजना गरिएको थियो ।
कार्यक्रममा प्रदेश खेलकुद विकास परिषदका सदस्य सचिव दीपक लामा तामाङ, नेपाल क्लाइम्बिङ स्पोर्टस एशोसिएसनका अध्यक्ष रमेश पौडेल, बेसबल तथा सफ्ट बल संघका अध्यक्ष दीपक न्यौपाने, स्केटिङ तथा स्केटबोर्डिङ संघका अध्यक्ष अच्युत खनाल, नेपाल आईटिएफ तेक्वान्दो महासंघका सचिव तथा प्रदेश खेलकुद परिषद सदस्य अन्जना शिवाकोटी, नेपाल क्लाइम्बिङ स्पोर्टस एशोसिएसनका महासचिव सन्तोष मादेन, सचिव सुजित कँडेल, कोषाध्यक्ष प्रनिलमान श्रेष्ठ लगायत सहभागी थिए ।
प्रतिक्रिया 4