२०८१ पुष २२ गते १२:०३ 
२२ पुस, काठमाडौं । आइतबारदेखि सुरू भएको जय ट्रफी मेन्स एलिट कप २०८१ अन्तर्गत सोमबार दोस्रो दिनको खेल भइरहेको छ ।
जनकपुरमा भइरहेको बागमती प्रदेश र मधेश प्रदेशबीचको अर्को खेलमा लन्च हुँदासम्म मधेशले दोस्रो इनिङको ब्याटिङ गरिरहेको छ । बागमतीले १३ ओभर खेल्दा २ विकेट गुमाएर ३४ रनको अवस्थाबाट खेल सुरू गरेकोमा १५० रनमा अलआउट हुँदै ४८ रनको अग्रता बनाएपछि मधेशले दोस्रो इनिङ सुरू गरेको हो ।
बागमतीका नन्दन यादवले सर्वाधिक ४७ रन बनाए भने शुभ कंसाकारले ३५ तथा कप्तान सन्दीप लामिछानेले ३३ रन बनाए । मधेशका रुपेश सिंह र अभिषेक तिवारीले ४-४ विकेट लिए भने विशाल पटेल र रन्जित कुमारले १-१ विकेट लिए ।
जवाफमा दोस्रो इनिङमा लन्चसम्म मधेशले ४ ओभरमा १ विकेटको क्षतिमा २६ रन बनाएको छ । मधेश अझै २२ रनले पछाडि छ । मयन यादव र निरज यादव ब्याटिङ गरिरहेका छन् । रिजन ढकालले १ विकेट लिए ।
त्यसअघि टस जितेर ब्याटिङ गरेको मधेशले ३५.२ ओभरमा अलआउट हुँदै पहिलो इनिङमा १०२ रन बनाएपछि जवाफमा बागमतीले पहिलो इनिङमा १५० रन जोडेको हो ।
प्रतिक्रिया 4