+

जय ट्रफीमा बागमती र मधेशबीचको खेल ‘ड्र’

२०८१ पुष  २२ गते १७:२१ २०८१ पुष २२ गते १७:२१
जय ट्रफीमा बागमती र मधेशबीचको खेल ‘ड्र’

२२ पुस, काठमाडौं । जय ट्रफी मेन्स एलिट कप २०८१ अन्तर्गत बागमती प्रदेश र मधेश प्रदेशबीचको खेल ड्र भएको छ ।

सोमबार दोस्रो दिनको खेल सकिँदा बागमतीले लक्ष्य पूरा गर्न सकेन । मधेशले दिएको १६४ रनको लक्ष्य पछ्याएको बागमतीले २० ओभरमा ६ विकेट गुमाएर ९७ रन बनायो ।

रित गौतमले सर्वाधिक २५ रन बनाए भने शुभ कंसाकारले २३ रन बनाए । मधेशका कप्तान हरिशंकर साहले ३ विकेट लिँदा रुपेश सिंह, अभिषेक तिवारी र रन्जित कुमारले १-१ विकेट लिए ।

मधेशले दोस्रो इनिङमा ९ विकेट गुमाएर २११ रन बनाउँदा इनिङ समाप्तिको घोषणा गरेपछि १६३ रनको अग्रतासहित १६४ रनको लक्ष्य दिएको थियो ।

मधेशका लागि दोस्रो इनिङमा ओपनर मयन यादवले शतकीय पारी खेले । उनले १०६ रन बनाएका थिए । अभिषेक तिवारीले १९ रन बनाए । बागमतीका कप्तान सन्दीप लामिछानेले १७ ओभरमा ८८ रन दिएर ५ विकेट लिए । सुर्य तामाङले २ तथा रिजन ढकाल र नन्दन यादवले १-१ विकेट लिए ।

त्यसअघि टस जितेर पहिले ब्याटिङ गरेको मधेश १०२ रनमा अलआउट हुँदा जवाफमा बागमतीले १५० रनमा अलआउट हुँदै ४८ रनको अग्रता बनाएपछि मधेशले दोस्रो इनिङ सुरू गरेको थियो ।

जय ट्रफी एलिट कप
लेखक
अनलाइनखबर
यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय