२२ पुस, काठमाडौं । सगरमाथा क्षेत्रका हेलिप्याडमा रातो झन्डा राखिएकोप्रति जिल्ला प्रशासन कार्यालय सोलुखुम्बुले चासो दिएको छ ।
सोलुखुम्बु जिल्लाका प्रमुख जिल्ला अधिकारी अनोजकुमार घिमिरेले सोमबार एक सूचना जारी गर्दै सो घटनाप्रति ध्यानाकर्षण भएको बताएका छन् ।
सोलुखुम्बु जिल्लामा रहेका विभिन्न हेलिप्याडहरूमा आवागमनमा अवरोध पुर्याउने गरी झन्डा राखेको खबर सार्वजनिक भएको भन्दै प्रशासनले ध्यानाकर्षण भएको जनाएको छ ।
नियम अनुसार सञ्चालित हेलिकप्टर उडानमा अवरोध गर्दा विपद्, बिरामी उद्धार, पर्यटन प्रवर्द्धनलगायतमा समस्या भएको भन्दै गुनासो आएको प्रशासनले जनाएको छ । यसरी अवरोध गर्नेमाथि कानुन अनुसार कडा कारबाही हुने प्रशासनले स्पष्ट पारेको छ ।
सुरक्षाको कारण देखाउँदै हेलिकप्टर व्यवसायीहरूले सोलुखुम्बुमा अत्यावश्यक उडान समेत रोक्ने निर्णय गरेका थिए ।
सोलुखुम्बु क्षेत्रमा राष्ट्रिय निकुञ्ज र स्थानीय तह सरकारले व्यावसायिक हेलिकप्टर उडानमा रोक लगाउने निर्णय गरेसँगै विवाद कायम छ ।
हेर्नुहोस् सूचना :
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
प्रतिक्रिया 4