२०८१ पुष २८ गते १३:१४ 
२८ पुस, काठमाडौं । जय ट्रफी एलिट कप अन्तर्गत समूह चरणको छैटौं खेलमा बागमती प्रदेश र नेपाल पुलिस क्लबबीच आइतबार दोस्रो दिनको खेल भइरहेको छ ।
दोस्रो सेसनको खेल जारी रहँदा बागमतीले पुलिसविरूद्ध दोस्रो इनिङमा ११५ रनको अग्रता बनाउँदै ११६ रनको लक्ष्य दिएको छ । दोस्रो इनिङमा बागमती २१८ रनमा अलआउट भयो ।
लन्च ब्रेकसम्म ३७ ओभर खेल्दा ५ विकेट गुमाएर १६७ रन बनाएको बागमती ५३ ओभरमा २१८ रनमा अलआउट भयो । शुभ कंसाकारले ७० तथा रित गौतमले ५२ रन बनाए ।
पुलिसका ललित राजवंशीले ३ विकेट लिँदा श्रवण यादवले २ तथा गुल्शन झा, कुशल भुर्तेल, राशिद खान र प्रेम तामाङले १-१ विकेट लिए ।
खेलको पहिलो इनिङमा बागमती ११२ रनमा अलआउट भएपछि पुलिसले जवाफमा २१५ रन जोडेको थियो ।
बागमती फाइनलको सम्भावना कायमै राख्न जित वा ड्रको खोजीमा हुनेछ भने आर्मी र मधेशबीचको खेलको नतिजामा पनि भर पर्नुपर्नेछ ।
प्रतिक्रिया 4