२०८१ माघ २ गते ११:५६ 
२ माघ, काठमाडौं । प्रधानमन्त्री कप महिला राष्ट्रिय क्रिकेट २०८१ अन्तर्गत बुधबारको पहिलो खेलमा गण्डकी प्रदेश र एपीएफ क्लब खेलिरहेका छन् । ओभर छोट्याइएको खेलमा गण्डकीले एपीएफलाई ७१ रनको लक्ष्य दिएको छ ।
खराब मौसमका कारण ढिला गरी सुरू भएको खेल १५ ओभरमा झारिएको थियो । टस हारेर पहिले ब्याटिङ गरेको गण्डकीले १५ ओभरमा ५ विकेट गुमाएर ७० रन बनायो ।
गण्डकीका लागि ओपनर सृजना पौडेलले सर्वाधिक २५ तथा रेखा तामाङले १७ र श्रेया शाहीले १३ रन बनाइन् । एपीएफकी बिनु बुढाले २ तथा करुणा भण्डारीले १ विकेट लिए ।
पहिलो खेलमा गण्डकी सुदूरपश्चिमसँग पराजित भएको थियो भने एपीएफले कर्णाली प्रदेशलाई हराएको थियो ।
प्रतिक्रिया 4