२०८१ माघ २ गते १८:०८ 
२ माघ, काठमाडौं । विभागीय टोली एपीएफ क्लबले एन्फा महिला राष्ट्रिय लिग फुटबलअन्तर्गत सुपर लिगमा लगातार पाँचौं जित निकाल्ने क्रममा बागमती युथ क्लबलाई ६-० गोलअन्तरले पराजित गरेको छ ।
सातदोबाटोस्थित एन्फा कम्प्लेक्स मैदानमा भएको खेलमा एपीएफको जितमा रश्मी कुमारी घिसिङ र सरु लिम्बुले २-२ तथा प्रिती राईले १ गोल गरिन् । एक गोल आत्मघाती भएको थियो ।
खेलको ४३औं मिनेटमा तथा इन्जुरी समयमा रश्मीले गोल गर्दै एपीएफलाई पहिलो हाफमा २-० ले अगाडि राखिन् । दोस्रो हाफको ५५औं मिनेटमा सेमिहाङमा लिम्बुले आत्मघाती गोल गर्दा ५६औं मिनेटमा सरु लिम्बुले गोल गर्दै ४-० ले अगाडि राखिन् ।
८८औं मिनेटमा प्रिती राईले गोल गर्दा इन्जुरी समयमा रश्मीले व्यक्तिगत दोस्रो गोल गरिन् र एपीएफले फराकिलो जित दर्ता गर्यो ।
सुपर लिगमा अपराजित एपीएफले ५ खेलबाट १५ अंक जोड्दै शीर्षस्थानमा यथावत् छ ।
प्रतिक्रिया 4