२०८१ माघ १३ गते ७:३४ 
१३ माघ, काठमाडौं । इंग्लिस प्रिमियर लिग फुटबलमा म्यानचेस्टर सिटीले पुनरागमन जित निकालेको छ । गएराति भएको खेलमा सिटीले चेल्सीलाई ३-१ गोल अन्तरले हराएको हो ।
१-० ले पछि परेको अवस्थाबाट पुनरागमन जित दिलाउन सिटीका लागि जोस्को भार्डियल, फिल फोडेन र एर्लिङ हालान्डले १-१ गोल गरे । चेल्सीका नोनी माडुएकेले सुरूवाती गोल गरेका थिए ।
खेलको तेस्रो मिनेटमा नै माडुएकेको गोलमार्फत चेल्सीले अग्रता लिएको थियो । ४२औं मिनेटमा भार्डियलले गोल गरेपछि खेल पहिलो हाफमा बराबरीमा आएको थियो ।
दोस्रो हाफको ६८औं मिनेटमा हालान्डले गोल गर्दै सिटीलाई खेलमा अगाडि ल्याए । ८७औं मिनेटमा फोडेनले गोल गर्दै सिटीलाई ३-१ को जित दिलाए ।
जितपछि सिटी २३ खेलबाट ४१ अंकसहित चौथो स्थानमा उक्लिएको छ भने पराजित चेल्सी ४० अंकसहित छैटौं स्थानमा छ ।
प्रतिक्रिया 4