२०८१ माघ १४ गते ११:३७ 
१४ माघ, काठमाडौं । पोखरामा जारी पाँचौ टाइगर कप भलिबल प्रतियोगितामा महिलातर्फ एपीएफले न्युडायमण्डलाई सोझो सेटमा पराजित गरेको छ ।
पोखरा रंगशालास्थित भलिबल कोर्टमा सोमबार भएको विनर ग्रुप अन्तर्गतको पहिलो खेलमा एपीएफले डायमण्डलाई ३-० को सेटमा पराजित गर्दै ३ अंक जोडेको हो ।
तीनवटै सेटमा डायमण्डले एपीएफलाई चुनौती दिने प्रयास गरेपनि सफल हुने सकेन । एपीएफ २५-२२, २५-२३, २५-२१ ले विजयी भएको हो ।
यसअघि एपीएफले पहिलो चरणको खेलमा ट्राभल इन्क्वारी युनाइटेडलाई पराजित गरेको थियो । न्यु डायमण्डले भने नेपाल पुलिस क्लबलाई पराजित गरेको थियो ।
अब विनर ग्रुपमा एपीएफमा आयोजक टाइगर ग्रुप पोखरालाई पराजित गरेमा क्वालिफायर वानमा छनोट हुनेछ ।
प्रतिक्रिया 4