२०८१ माघ १७ गते १३:१५ 
१७ माघ, काठमाडौं । नेपाल पुलिस क्लबलाई सोझो सेटमा पराजित गर्दै न्यु डायमण्ड पोखरामा भइरहेको पाँचौ टाइगर कप भलिबलको महिलातर्फ क्वालिफायर टु मा प्रवेश गरेको छ ।
पोखरा रंगशालास्थित भलिबल कोर्टमा बिहीबार भएको एलिमिनेटर खेलमा न्यु डायमण्डले पुलिसलाई २५-२२, २५-१४, २५-२१ ले पराजित गरेको हो ।
यसअघि पहिलो चरणमा पनि न्यु डायमण्ड र पुलिस बीच नै खेल भएको थियो । जहाँ डायमण्डले पुलिसला२ पराजित गर्दै विनर ग्रुपमा लिग खेलेको थियो । विनर ग्रुपमा लिगका दुवै खेलमा पराजित हुँदै तेस्रो भएपछि डायमण्डले एलिमिनेटर खेल्नुपरेको हो ।
यस्तै पहिलो खेल हारेर लुजर ग्रुपमा परेको पुलिसले त्यहाँ दुवै खेल जितेर एलिमिनेटरमा स्थान बनाएको थियो । तर दोस्रो पटक पनि डायमण्डसँगै पराजित भएपछि पुलिस बाहिरिएको हो ।
अब न्यु डायमण्डले फाइनल प्रवेशका लागि क्वालिफायर वानको पराजित टोलीसँग खेल्नेछ । विनर ग्रुपमा पहिलो स्थानमा रहेको एपीएफ र दोस्रो स्थानमा रहेको आयोजक टाइगर ग्रुप पोखराबीच क्वालिफायर वान खेल हुनेछ । यसको विजेता सिधै फाइनल प्रवेश गर्नेछ ।
प्रतिक्रिया 4