१७ माघ, काठमाडौं । संघीय राजधानी काठमाडौंको लोकप्रिय हाइकिङ गन्तव्य ‘जामाचो’ मा अपाङ्गमैत्री पदयात्रा मार्गको सम्भाव्यता अध्ययन गरिने भएको छ ।
नेपाल पर्यटन बोर्डले नेपाली सेना र राष्ट्रिय निकुञ्ज तथा वन्यजन्तु संरक्षण विभागको समन्वयमा यस्तो सम्भाव्यता अध्ययन तयारी गरेको हो ।
यो कामका लागि बोर्डले चालु आर्थिक वर्ष २०८१/८२ मा बोर्डले तीन लाख रुपैयाँ बजेटसमेत विनियोजन गरेको छ । कुल चार किलोमिटर लामो यो पदयात्रा मार्गमा सार्वजनिक बिदाका दिनमा अधिक चाप हुने गरेको छ ।
जामाचो शिवपुरी–नागार्जुन राष्ट्रिय निकुञ्जको नागार्जुन पहाडको शिखरमा अवस्थित बौद्ध गुम्बा हो । समुद्र सतहबाट दुई हजार एक सय ३० मिटर उचाइमा रहेको यो ठाउँ एक दिनको हाइकिङका लागि प्रख्यात छ ।
जामाचो शिखरमा रहेको भ्यु टावरबाट तीन सय ६० डिग्रीमा काठमाडौं उपत्यका र विभिन्न हिमशृङ्खलाको मनोरम दृष्यावलोकन गर्न सकिन्छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpeg)
प्रतिक्रिया 4