नेटफ्लिक्सले घोषणा गर्‍यो सन् २०२५ मा आउने भारतीय फिल्म र सिरिजको सूची

काठमाडौं । नेटफ्लिक्सको भारतीय संस्करणले सन् २०२५ का लागि भारतीय फिल्म, शो र सिरिजको ‘लाइनअप’ सार्वजनिक गरेको छ । सूचीमा नयाँ अनुहारको जबर्जस्त प्रवेश हुँदैछ, अग्रणी कलाकारको प्रतीक्षित पुनरागमन हुनेछ । केही अचम्म तुल्याउने कलाकारको पनि एन्ट्री हुनेछ ।

सिद्धार्थ आनन्दले यसवर्षदेखि डिजिटल डेब्यू गर्दैछन् । उनले सैफअली खान र जयदीप अहलावत स्टारर ‘ज्वेलरी थिफ’ निर्देशन गर्दैछन् । घोषणाको क्रममा हालैमात्र चक्कु आक्रमणमा परेका अभिनेता खान मञ्चमा उपस्थित थिए ।

शोको लगलाइनमा यस्तो लेखिएको छ, ‘विश्वको सबैभन्दा महंगो हीरा- ‘अफ्रिकन रेड सन’ चोर्नको लागि एक शक्तिशाली अपराधी मालिकले गहना चोरलाई भाडामा ल्याएको छ । चोरी गर्ने उसको योजनाले त्यसपछि खतरनाक मोड लिन्छ । अन्योल, टिव्स्ट र अनेपक्षित घटनाक्रम देखिन थाल्छन् । त्यसपछि धोका र विश्वासघातको घातक खेल सुरु हुन्छ ।’ सन् २०१८ रिलिज भएको ‘सेक्रेड गेम’पछि अभिनेता खानको नेटफ्लिक्समा पुनरागमन हुनेछ ।

सो अवसरमा नेटफ्लिक्सले ‘राणा नायडू सिजन २’ पनि घोषणा गरेको छ । वेंकटेश र राणा दागुबातीको वास्तविक जीवनको काका-भतिजा जोडी खेलमा फर्केका छन् किनकि त्यहाँ सामान्य पारिवारिक समस्या छन् । विगतको समस्याको असामान्य फिर्तासँगै खेल सुरु हुन्छ । यसमा अर्जुन रामपालको प्रवेश भएको छ ।

राजकुमार राव स्टारर फिल्म ‘टोस्टर’को पनि घोषणा भएको छ । विवाहको लागि टोस्टर उपहार दिने एक कन्जुसले आफूलाई हत्या र हिंसामा फसेको अवस्थामा कसरी प्रस्तुत गर्छ ? ‘टोस्टर’मा राजकुमार बाहेक सान्या मल्होत्रा, अभिषेक ब्यानर्जी र उपेन्द्र लिमयेको मुख्य भूमिका छ ।

शेफाली शाह, रसिका दुगल र राजेश तैलाङको चर्चित वेब-सिरिज ‘दिल्ली क्राइम’को तेस्रो सिजन पनि घोषणा भएको छ । यस पटक श्रृंखलामा हुमा कुरेशी र सयानी गुप्ता मुख्य भूमिकामा हुनेछन् ।

नेटफ्लिक्सले खुसी कपूर र इब्राहिम अली खान अभिनित ‘नादनियान’ घोषणा गरिसकेको भए पनि, यो जोडीले फिल्मको पहिलो एकल, ‘तेरे इश्क में’ लन्च गर्न स्टेजमा प्रस्तुत भए । अपेक्षित रूपमा, नेटफ्लिक्सले श्रीरेनु त्रिपाठी र मधु बोसको जीवनलाई पछ्याउने माधवन-फातिमा सना शेख स्टारर ‘आप जैसा कोई’ पनि घोषणा गर्‍यो ।

‘दिल्ली क्राइम सिजन ३’को घोषणा गर्ने क्रममा, नेटफ्लिक्सले अत्यधिक प्रशंसित श्रृंखला ‘कोहरा’को दोस्रो सिजन पनि घोषणा गर्‍यो । नेटफ्ल्क्सि र यशराज फिल्म्सले वाणी कपूर र सुरवीन चावलालाई लिएर मन्डला मर्डर फिल्म ल्याउँदैछन् ।

यी दुई कम्पनीले राष्ट्रिय पुरस्कार विजेता कीर्ति सुरेश र प्रतिभाशाली अभिनेत्री राधिका आप्टे, तन्वी आजमीलाई लिएर सिरिज ‘अक्का’ निर्माणको समेत घोषणा गरेका छन् । नेटफ्लिक्सले बिहारको अध्यायबाट सुरु भएको नीरज पाण्डेको ‘खाकी’ श्रृंखलालाई निरन्तरता दिने घोषणा पनि गरेको छ ।

त्यसपछि तामिल फिल्म पनि सूचीमा छ जसलाई वाइनट् पिक्चर्सका लागि शशीकान्तले निर्देशन गर्नेछन् । फिल्ममा सिद्धार्थ, माधवन, नयनतारा र मीरा जस्मिनले अभिनय गरेका छन् । ‘टेस्ट’ नाम दिइएको यो फिल्मले क्रिकेटको पृष्ठभूमिमा बुनिएको एक डरलाग्दो सम्बन्धको कथा भन्छ ।

नेटफ्लिक्सले ‘डाइनिङ विथ द कपूर शो’को पनि घोषणा गर्‍यो । आधिकारिक सारांशमा भनिएको छ, ‘बलिउडको सबैभन्दा प्रतिष्ठित परिवारको संसारमा पाइला चाल्नुहोस्, जहाँ खाना, रमाइलो, विरासत र फिल्म एकसाथ हृदयस्पर्शी र घनिष्ठता देख्न सकिन्छ ।’

अन्त्यमा नेटफ्लिक्सले शाहरुख खानका छोरा आर्यन खानको बहुप्रतिक्षित निर्देशन डेब्यू, द ‘बा…ड्स अफ अफ बलिउड’को समेत घोषणा गर्‍यो । यो फिल्मको शीर्षक ‘स्टारडम’ हुने अपेक्षा थियो । यो फिल्मको टिजरमा शाहरुख खान पनि देखिएका छन् ।