प्रिमियरमा यस्तो देखियो नेपाली हरर फिल्म ‘ममी’ (तस्वीर)

काठमाडौं । शुक्रबारदेखि प्रदर्शन तयारीमा रहेको प्रियंका कार्की र दीया मास्के स्टारर फिल्म ‘ममी’को प्रिमियर गरिएको छ । बुधबार बेलुका क्यूएफएक्सको सिभिल हलमा प्रिमियर गरियो ।

समारोहमा प्रियंका र दीयासहित फिल्मका ‘कास्ट एन्ड क्रू’ सहभागि थिए । फिल्म हेर्न दीपाश्री निरौलादेखि पूर्वमिस नेपाल जेनिशा मोक्तानसम्म पुगेका थिए । हरर जनराको यो फिल्म टिजर र ट्रेलर रिलिजदेखि नै चर्चामा छ ।

सेन्सर बोर्डले एडल्ट सर्टिफिकेट दिएकाले यो फिल्मलाई १७ वर्षभन्दा कम उमेर समूहका दर्शकले हेर्न पाउनेछैनन् । प्रिमियर समारोहमा आकाशे नीलो पोशाकमा रगत लतपतिएको पहिरन किशोरीहरूले प्रस्तुत गरेका थिए ।

अभिनेत्री मास्के पोतेसहित सेतोकालो पहिरनमा प्रस्तुत थिइन् । प्रियंका भने कालो स्लिभलेस पहिरनमा उपस्थित थिइन् । प्रियंकासँगै उनकी आमा पनि प्रिमियरमा देखिइन् ।

समर निरौला निर्देशित फिल्ममा प्रियंका र दीयासहित सुलक्षण भारती, समीप निरौला, आयुषी ढकाल लगायतको अभिनय छ । लोकराज जोशी र पूर्णिमा जोशीले फिल्म निर्माण गरेका हुन् । १२४ मिनेट रनटाइमको यो फिल्मको एड्भान्स टिकट विक्री बुधबारदेखि सुरु भएको छ ।