२५ माघ, पोखरा । बेलायती राजकुमार एडवार्ड र राजकुमारी डचेस सोफी पोखरा आइपुगेका छन् । उनीहरूलाई पोखराका मेयर धनराज आचार्य, प्रमुख जिल्ला अधिकारी भरतमणि पाण्डेले स्वागत गरे ।
मंगलबार काठमाडौं आएका उनीहरू बिहीबार र शुक्रबार कास्कीमा रहने छन् । उनीहरू बिहीबार पोखराको टाइगर माउन्टेन लजमा बास बस्ने छन् ।
राजकुमार एडवार्डले शुक्रबार बेलायती सेनामा नयाँ भर्ती भएका नेपाली युवालाई पोखराको ब्रिटिस क्याम्पमा पद तथा गोपनियताको सपथ खुवाउने कार्यक्रम छ ।
शुक्रबार नै उनी लुम्लेमा हाइकिङ गर्ने, घान्द्रुक घुमेर चन्द्रकोटमा बास बस्ने कार्यक्रम छ ।
राजकुमार एडवार्डलाई स्वागतपछि मेयर आचार्यले उनको भ्रमणले पोखराको पर्यटन विकासमा महत्त्वपूर्ण योगदान हुने बताए ।
‘तपाईंहरूको भ्रमणले द्विपक्षीय सम्बन्ध सुदृढ गर्नुका साथै पोखराको प्राकृतिक सौन्दर्य, संस्कृति, र आतिथ्यलाई अन्तर्राष्ट्रिय रूपमा प्रवर्द्धन गर्ने विश्वास लिएको छु,’ मेयर आचार्यले भनेका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpeg)
प्रतिक्रिया 4