गर्भावस्थामा स्विस बल व्यायाम गर्दा नर्मल डेलिभरीको सम्भावना बढ्छ ?

गर्भावस्थाको समयमा सुत्केरी हुने समय नजिकिँदै गर्दा महिलाहरू यो प्रक्रिया सकेसम्म सजिलो होस् भन्ने चाहन्छन् । धेरैजसो महिलाहरू नर्मल डेलिभरीमार्फत बच्चा जन्माउने चाहना राख्छन् । यसका लागि कतिपय महिलाहरूले व्यायाम पनि गर्छन्, जसले गर्दा उनीहरू शारीरिक रूपमा बलियो हुन् र नर्मल डेलिभरी होस् ।

गर्भावस्थाका बेला गरिने विभिन्न व्यायामहरू मध्ये एक स्विस बल व्यायाम पनि हो। जसलाई धेरै विशेषज्ञहरूले गर्भवती महिलाहरूका लागि लाभदायक मान्छन्। तर के यो अभ्यासले साँच्चै नर्मल डेलिभरीमा मद्दत गर्न सक्छ ?

के हो स्विस बल ?

स्विस बल, जसलाई बर्थिङ बल वा व्यायाम बल पनि भनिन्छ । यो बल धेरै ठूलो र लचिलो हुन्छ । स्विस बलमा गरेको व्यायामले शरीरको कोर मांसपेशीलाई बलियो बनाउन मद्दत गर्छ । गर्भावस्थामा दुखाइ र शरीरको कठोरताबाट राहत पाउन महिलाहरूले स्विस बलमा व्यायाम गर्न सक्छन् ।

स्विस बल व्यायाम गर्दा नर्मल डेलिभरी हुन्छ ?

यदि महिलाहरूले गर्भावस्थाको अन्तिम महिनामा स्विस बल व्यायाम गर्छन् भने यसले पेल्भिक क्षेत्रको मांसपेशीलाई बलियो बनाउँछ । यस बलमा व्यायाम गर्दा पाठेघरको भित्तामा हुने दुखाइ र तनाव पनि कम हुन्छ ।

यो व्यायामले प्रसूतिको समयमा योनी वरपरको अङ्गहरूलाई बलियो बनाउँछ र नर्मल डेलिभरीलाई सजिलो बनाउँछ ।

यो पनि पढ्नुहोस

प्राकृतिक प्रसवको बदला सिजेरियन किन ?

यदि महिलाहरूले गर्भावस्थाको सातौँ महिनापछि स्विस बल व्यायाम गर्छन् भने यसले नर्मल डेलिभरीको सम्भावना बढाउन सक्छ । तर, गर्भावस्थामा कुनैपनि प्रकारको समस्या भएका महिलालाई चिकित्सकले बेड रेस्ट गर्ने सल्लाह दिएका छन् भने स्विस बलको व्यायाम नगर्नु उपयुक्त हुन्छ ।

गर्भावस्थामा स्विस बल व्यायामको लाभ

गर्भावस्थामा स्विस बल एक्सरसाइज गर्नाले नर्मल डिलिवरीमा मात्र सहयोग पुग्दैन, यसले ९ महिनामा हुने समस्यालाई पनि कम गर्छ । गर्भावस्थाको समयमा ढाड दुखाइ एक सामान्य समस्या हो । स्विस बलमा बसेर हल्का व्यायाम गरेर यो दुखाइ कम गर्न सकिन्छ ।

यो पनि पढ्नुहोस

प्रसूतिमा बढ्दो शल्यक्रिया : आमाको शरीरमाथि नै खेलबाड

गर्भावस्थाको समयमा पेटको फैलावटले मेरुदण्डमा थप दबाब दिन्छ । यसका कारण शरीरको सन्तुलनमा गडबड हुनसक्छ तर यो व्यायामले स्थिरता सुधार गर्न मद्दत गर्दछ।

गर्भावस्थाको अन्तिम चरणहरूमा यदि बच्चा सही स्थितिमा छैन भने, स्विस बलमा हल्का व्यायाम गर्नाले बच्चाको टाउको तल ल्याउन मद्दत गर्न सक्छ । गर्भावस्थाको समयमा मानसिक तनाव कम गर्न पनि स्विस बल व्यायाम लाभदायक मानिन्छ ।

स्विस बल व्यायाम गर्दा अपनाउने पर्ने सावधानीहरू

-गर्भावस्थामा स्विस बल व्यायाम गर्नुअघि डाक्टरसँग परामर्श लिनुपर्छ ।

-यदि स्विस बल व्यायाम गर्दा दुखाइ वा असुविधा महसुस हुन्छ भने पनि चिकित्सकको सल्लाह लिनुपर्छ ।

-स्विस बल व्यायाम गर्दा, हल्का र आरामदायक गतिविधिहरू मात्र अपनाउनुपर्छ ।

-व्यायाम गर्दा खस्नबाट जोगिन सावधान रहनुपर्छ र सधैँ केही समर्थनको साथ मात्र बलमा बस्नुपर्छ ।

निष्कर्ष

स्विस बल व्यायाम गर्भवती महिलाहरूका लागि धेरै तरिकामा लाभदायक छ । यद्यपि यसले नर्मल डेलिभरीको पूर्णग्यारेन्टी गर्दैन । तर यदि नियमित रूपमा गरिन्छ भने, यसले नर्मल डेलिभरीको सम्भावना बढाउन सक्छ । त्यसैले यो व्यायाम गर्नुअघि, एक पटक चिकित्सकको परामर्श लिनु उपयोगी हुन्छ ।