२०८१ माघ २५ गते १७:३८ 
२५ माघ, काठमाडौं । काठमाडौंमा शुक्रबार सम्पन्न नेपाल, नेदरल्याण्ड्स र थाइल्याण्ड सम्मिलित महिला टी-२०आई क्रिकेट शृंखलाको उपाधि थाइल्याण्डले जित्यो । शृंखलामा सबैभन्दा धेरै खेल जितेर थाइ टोलीले उपाधि जितेको हो ।
सबै टोलीले एक अर्कासँग ३-३ खेल गरी एक टोलीले ६ खेल खेल्ने प्रावधान रहेको शृंखलामा थाइल्याण्डले ५ खेल जित्यो । त्यस्तै नेदरल्याण्ड्सले ४ खेल जित्दा नेपालले भने कुनैपनि खेल जित्न सकेन ।
थाइल्याण्ड नेदरल्याण्ड्ससँग एक खेलमा पराजित भयो । त्यस्तै नेदरल्याण्ड्स दुई खेलमा थाइल्याण्डसँग पराजित भयो । यस क्रममा नेपाललाई भने दुवै पाहुना टोलीले तीन-तीनपटक हराए ।
घरेलु मैदानमा लामो समयपछि फर्किएको महिला अन्तर्राष्ट्रिय क्रिकेटमा नेपाली क्रिकेट टोलीले एक जित पनि निकाल्न नसक्नु दुर्भाग्यपूर्ण रह्यो ।
तस्वीरहरू :
प्रतिक्रिया 4