२७ माघ, काठमाडौं । सिंहदरबारस्थित खानेपानी मन्त्रालयमा आगलागीबाट कार्यकक्ष जलेपछि खानेपानीमन्त्री प्रदीप कुमार यादवले नयाँ कार्यकक्ष बनाएर काम सुरू गरेका छन् ।
मन्त्रालयको तेस्रो तलाको कोठा नं ४०७ बाट नयाँ कार्यकक्ष अ-स्थायी रूपमा स्थापना गरी काम सुरू गरेको खानेपानीमन्त्री यादवले सामाजिक सञ्जालमार्फत जानकारी गराएका छन् ।
उनले फेसबुकमा लेखेका छन्, ‘ मिति २०८१ माघ २६ गते शनिबार का दिन खानेपानी मन्त्रालयको चौथो तलामा रहेको मेरो कार्यकक्षमा विद्युत् सर्ट भई आगलागी हुँदा कार्यकक्ष पूर्ण रूपमा क्षतिग्रस्त भएको थियो । दु:खदायी घटनापछि देश र जनतालाई दैनिक सेवा प्रवाह गर्नका लागि आज बाट मैले मन्त्रालयको तेस्रो तलाको कोठा नं ४०७ बाट नयाँ कार्यकक्ष अ-स्थायी रूपमा स्थापना गरी नियमित सेवा कार्य प्रारम्भ गरेको छु।’
शनिबार बिहान खानेपानी मन्त्रालयमा आगलागी भएको थियो, जसमा मन्त्रीको कार्यकक्ष, सचिवालयसहित ३ कोठा र त्यहाँ रहेका सम्पूर्ण कागजात जलेर नष्ट भएको थियो । पछि सुरक्षाकर्मीको सहयोगमा आगलागी नियन्त्रणमा लिइएको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.jpeg)
प्रतिक्रिया 4