२०८१ माघ २७ गते १७:१४ 
२७ माघ, काठमाडौं । क्रिकेट एक्सिलेन्स सेन्टर (सीइसी)ले प्रधानमन्त्री कप पुरूष क्रिकेट काठमाडौं जिल्ला छनोट जितेको छ। आइतबार सम्पन्न फाइनलमा ग्रेट हिमालय क्रिकेट एकेडेमीलाई १०७ रनले पराजित गर्दै सीइसी च्याम्पियन बनेको हो ।
सीइसीले दिएको २६२ रनको लक्ष्य पछ्याएको ग्रेट हिमालयले २६.५ ओभरमा सबै विकेट गुमाउँदै १५४ रनमा समेटियो । ग्रेट हिमालयका इशान पाण्डेले अविजित १०७ रनको शतकीय पारी खेलेपनि जितका लागि पर्याप्त हुन सकेन ।
त्यसअघि तल्लो मूलपानी क्रिकेट मैदानमा पहिला ब्याटिङ गरेको सीइसीले निर्धारित ५० ओभरमा ९ विकेट गुमाएर २६१ रन बनाएको थियो। रित गौतमले सर्वाधिक ११३ रन बनाएका थिए भने विरेन्द्र धनाडीले ६७ र पृथु बास्कोटाले ४१ रन बनाए।
ग्रेट हिमालयका इशान पाण्डेले सर्वाधिक ४ विकेट लिए। किरण बूढामगरले ३ विकेट लिँदा दर्शिल विष्टको नाममा एक विकेट रह्यो ।
प्रतियोगिताको प्लेयर अफ द टुर्नामेन्ट इशान घोषित भए। त्यस्तै उत्कृष्ट ब्याटर महावीरका सोनु देवकोटा र उत्कृष्ट बलर न्यु भिजन क्लबका मनसुन सिंह घोषित भए।
प्रतिक्रिया 4