प्‍यारागन पब्लिक स्कुलमा स्टिम प्रदर्शनी, विद्यार्थीहरूले बनाए पानीबाट चल्‍ने रकेट

२७ माघ, काठमाडौं। प्‍यारागन पब्लिक स्कुलले विज्ञान, प्रविधि, इन्जिनियरिङ, कला र गणित (स्टिम) मा आधारित एक दिने प्रदर्शनी आयोजना गरेको छ । विद्यार्थीमा रहेको ज्ञान,सीप र दक्षतालाई उजार गरेर व्‍यवहारमा सिकाउन स्टिम प्रदर्शनी गरिएको प्यारागन पब्लिक स्कुलका कन्सल्टयान्ट रविन काफ्लेले बताए ।

उनले भने, ‘विद्यार्थीहरूमा ज्ञान,सीप र दक्षतालाई उजार स्टिम शिक्षाको प्रदर्शनी गरेका हौं। यो प्रदर्शनीमा कक्षा-१ देखि १०सम्मका विद्यार्थीहरूले आफूले सिकेका कुरा व्यवहारमा उतार्न सिक्छन् ।’

उनका अनुसार स्टिम प्रदर्शनीमा रोबोटिक्स, प्रेसर रकेट, वाइन्ड मिल, ज्वालामुखी, कोडिङ, आर्टिफिसियल इन्टेलिजेन्स (एआई), फूड शीपलगायतका सिकेका सामग्रीहरू राखिएका थिए ।

साथै कक्षा १० का विद्यार्थीहरूले विज्ञानमा आधारित चालको तेस्रो नियमको आधारमा वाटर प्रेसर रकेट प्रदर्शन गरेका थिए ।

प्रदर्शनीमा आफूले सिकेका सीपहरू व्‍यवहारमा बनाउने र देखाउन सक्ने क्षमता प्रदर्शन गर्ने प्यारागन पब्लिक स्कुलका प्रबन्ध निर्देशक साकिर उद्दीनले बताए ।

‘विद्यार्थीहरूमा अथाह सृजनाको खानी हुन्छ। उनीहरूलाई जस्तो सिकायो त्यस्तै बन्छन् । त्यसकारण हामीले किताबी ज्ञानमा पढेका कुराहरूलाई स्टिम एजुकेशनमार्फत व्‍यवहारमा उतार्न सिकाइदिएका छौं । यसले उनीहरूमा सिर्जनशीलता, खोज, अनुसन्धान र नवप्रवर्तन प्रवर्द्धन गर्न प्रतिस्पर्धा गराउन हौसला मिलेको छ। ’ उनले भने ।

यता, सरकारले विश्वविद्यालयका विद्यार्थीमा सिर्जनशीलता, खोज, अनुसन्धान र नवप्रवर्तन प्रवर्द्धन गर्न प्रतिस्पर्धा गराउन विश्वविद्यालयस्तरीय प्रतियोगितात्मक कार्यक्रमलाई प्रोत्साहन गर्न एआई नीतिसमेत ल्याएको छ । जसमा स्थानीय तह र प्रदेशमा सिर्जनशीलता, खोज, अनुसन्धान र नवप्रवर्तन प्रवर्द्धन प्रोत्साहन गर्न एआई राष्ट्रिय सेन्टर खोल्ने तयारी समेत गरिनेछ ।

हेर्नुहोस् तस्वीरहरू :