२०८१ फागुन १ गते ७:५९ 
१ फागुन, काठमाडौं । युरोपियन च्याम्पियन्स लिग फुटबलअन्तर्गत प्रि-क्वाटरफाइनल प्रवेशका लागि भएको प्लेअफको पहिलो लेगमा जर्मन क्लब बायर्न म्युनिखले जित निकालेको छ ।
बायर्नले सेल्टिक एफसीलाई उसैको मैदानमा २-१ गोलअन्तरले हराएको हो । बायर्नको जितमा माइकल ओलिस र ह्यारी केनले १-१ गोल गरे । सेल्टिकका डेजेन मायडाले गरेको गोल सान्त्वना बन्यो ।
पहिलो हाफ सकिनै लाग्दा ४५औं मिनेटमा ओलिसले गोल गर्दै पाहुना टोलीलाई अग्रता दिलाएका थिए । पहिलो हाफमा १-० ले अगाडि रहेको बायर्नले दोस्रो हाफमा थप अवसरहरू सिर्जना गरेको थियो ।
दोस्रो हाफको ४९औं मिनेटमा केनले गोल गर्दै बायर्नको अग्रता दोब्बर पारे । ५६औं मिनेटमा सेल्टिकले पेनाल्टीको अपिल गरेको भएपनि भिएआरले मान्यता दिएन । ७८औं मिनेटमा मायडाले गोल गरेपनि सेल्टिक खेलमा फर्कन सकेन ।
सेल्टिकले अब दोस्रो लेगमा २ वा त्योभन्दा बढी अन्तरको जित निकाल्नु पर्नेछ । दोस्रो लेगमा पुनरगामन गर्न नसके सेल्टिक बाहिरिनेछ भने बायर्न अन्तिम १६ मा प्रवेश गर्ने छ ।
गएराति नै भएको अर्को खेलमा इटालियन क्लब एसी मिलान भने फेयनोर्डसँग पराजित भएको छ । डच क्लबका लागि तेस्रो मिनेटमा इगोर पाक्साओले तेस्रो मिनेटमा गरेको गोल नै निर्णायक बन्यो । अब मिलानले घरेलु मैदानमा पुनरागमनको प्रयास गर्नेछ ।
अर्को खेलमा मोनाकोले बेनफिकालाई १-० ले हरायो । दोस्रो लेगका खेलहरू अर्को साता हुनेछन् ।
प्रतिक्रिया 4