+

आहारारा पोखरा गोल्डकप : फाइनल प्रवेशका लागि थ्रीस्टार र ब्ल्याक बुल्स भिड्दै

२०८१ फागुन  १ गते ९:०५ २०८१ फागुन १ गते ९:०५

आहरारा पोखरा गोल्डकपको दोस्रो सेमिफाइनलमा ए डिभिजनको थ्रीस्टार क्लब र उज्वेकिस्तानको ब्ल्याक बुल्स एफसीबीच प्रतिस्पर्धा हुँदैछ ।

आहारारा पोखरा गोल्डकप : फाइनल प्रवेशका लागि थ्रीस्टार र ब्ल्याक बुल्स भिड्दै

१ फागुन, पोखरा । २४औं आहरारा पोखरा गोल्डकपको दोस्रो सेमिफाइनलमा आज थ्री स्टार क्लब र उज्वेकिस्तानको ब्ल्याक बुल्स एफसीबीच प्रतिस्पर्धा हुँदैछ ।

खेल पोखरा रंगशालामा दिउँसो २:३० बजे सुरु हुनेछ । यस खेलको विजेताले फाइनलमा नेपाल पुलिस क्लबसँग प्रतिस्पर्धा गर्नेछ ।

थ्रीस्टार र ब्ल्याक बुल्स दुवै एक-एक खेल जित्दै सेमिफाइनल पुगेका हुन् । पाँचपटकको विजेता थ्रीस्टारले क्वाटरफाइनलमा मछिन्द्र एफसीलाई पेनाल्टी सुटआउटमा पराजित गरेको थियो ।

यस्तै पहिलो पटक नेपालमा आएर खेलिरहेको ब्ल्याक बुल्सले भारतको थण्डरबोल्ट नर्थ युनाइटेडलाई हराएर सेमिफाइनल पुगेको हो । आजको खेलको विजेता र नेपाल पुलिसबीच उपाधिका लागि शनिवार फाइनल हुनेछ ।

मनाङ मर्स्याङ्दीसँगै सर्वाधिक ६ पटकको च्याम्पियन पुलिसले पहिलो सेमिफाइनलमा चर्च ब्वाइज युनाइटेडलाई १-० ले पराजित गर्दै फाइनल पुगेको हो ।

प्रतियोगिताको विजेताले नगद १२ लाख १ हजार तथा उपविजेताले ६ लाख १ हजार पुरस्कार प्राप्त गर्नेछन् ।

आहारारा पोखरा गोल्डकप
लेखक
अनलाइनखबर
यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय