काठमाडौं । विपिन कार्की स्टारर ‘कर्मा’को पहिलो झलक सार्वजनिक भएको छ । निर्माताले विहिबार शीर्ष कलाकार विपिनको लुक्सलाई सार्वजनिक गरेका हुन् ।
प्रायः सामाजिक चरित्रमा देखिँदै आएका कार्की यसमा एक्सन रोलमा छन् । यसअघि ‘नाका’मा एक्सन अवतारमा देखिएका उनी यो फिल्मबाट एक्सन भूमिकामा फर्किएका हुन् ।
अँध्यारो पृष्ठभूमिको पोस्टरमा विपिनलाई बन्दुक समातेर क्रोधित भावमा देख्न सकिन्छ । उनको हेयर स्टाइल पनि नयाँ छ । एक्सन र ट्राभल कथा बताइएको ‘कर्मा’को यो पोस्टरले विपिनका प्रशंसकलाई उत्साहित तुल्याउने पक्का छ ।
‘जे जान्छ, वरिपरि आउँछ’ बटमलाइनले कथावस्तु दर्शाउँछ । ‘कर्मा’लाई ‘अगस्त्य’ फेम्ड निर्देशक सौरभ चौधरीले निर्देशन गरेका हुन् । यो फिल्म चैत २९ मा प्रदर्शन तयारीमा छ ।
फिल्ममा उपासनासिंह ठकुरी, मुकुन भुसाल, दिव्यदेवलगायत कलाकारको समेत अभिनय छ । मुकुन यो फिल्ममा खलपात्रको भूमिकामा छन् । आर्टिस्टिक इन्टरटेनमेन्टको प्रस्तुति रहने ‘कर्मा’मा वसन्त लम्सालको लगानी छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.jpeg)
प्रतिक्रिया 4