सृष्टि श्रेष्ठ अभिनित क्राइम थ्रीलर ‘११ः५५’को टिजर सार्वजनिक

काठमाडौं । क्राइम थ्रीलर फिल्म ‘११ः५५ – डु नट ट्रस्ट एनिवन’को टिजर सार्वजनिक भएको छ । १ मिनेट ३४ सेकेण्डको टिजरमा लभ, रोमान्स, धोका र बदलाको कथा समेटिएको छ ।

कथावस्तु त खुलाइएको छैन तर, घटना हुनु पछाडि कुनै रहस्यले काम गरेको हुनुपर्छ भन्ने अनुमान गर्न सकिन्छ । सृष्टि श्रेष्ठ, महेश त्रिपाठी, करिश्मा श्रेष्ठ, एमएस अग्रज, बुद्धि तामाङ, विशाल पहारी, सागर खनाल टिजरमा देखिएका छन् ।

पटकथा लेखन तथा निर्देशन केशव पाण्डेले गरेका हुन् । निर्देशक पाण्डेसँगै कलाकार अग्रज र शेखर ज्ञवालीको लेखन छ ।

अल्मोडा राना उप्रेतीको संगीत, कविराज गहतराजको नृत्य, देव महर्जनको द्वन्द्व, राजेन्द्र मोक्तानको रङ, शैलेश श्रेष्ठको साउण्ड डिजाइन तथा मिक्सिङ, प्रद्युम्न मिश्रको डिओपी, रामशरण उप्रेतीको सिनेमाटोग्राफी, पासाङ दावा शेर्पाको सम्पादन र सुवास राज काफ्ले सिनेमामा प्रोडक्सन डिजाइनर छन् ।

विचित्र फिल्मस् र गुड जब आट्र्सको व्यानरमा निर्माण भएको फिल्ममा श्याम शर्मा र सरोजा शर्माको लगानी छ । कार्यकारी निर्माता एमएस अग्रज हुन् । कुवेर सिने डिष्ट्रीब्युसन प्रालिले वितरण गर्नेछ ।