
६ फागुन, काठमाडौं । अर्थ मन्त्रालयका सहसचिव श्यामप्रसाद भण्डारीले सरकारी संयन्त्रबीच समन्वय अभाव रहेको बताएका छन् । उनले निजी क्षेत्रको विकास गर्न सरकारी संयन्त्रले सहजीकरण गर्नुपर्ने पनि बताए ।
नेपालमा नीतिगत अस्थिरता समस्या भएको स्वीकार्दै अर्थ मन्त्रालयले लगानी प्रवर्द्धन गर्न सहजीकरण गर्नुपर्ने उनले बताए ।
अर्थ मन्त्रालयले जलविद्युत् आयोजनाको राजस्व, कर र सहुलियतबारे बजेटबाटै व्यवस्था गरी अघि बढिरहेको बताए ।
जलविद्युत् आयोजना विकास गर्न लगानी समस्या भन्दा पनि व्यवस्थापनमा समस्या रहेको उनको भनाइ छ ।
‘सरकारले २८ हजार ५ सय मेगावाट विद्युत् उत्पादन गर्न लगानी समस्या भन्दा पनि व्यवस्थापनको चुनौती छ,’ उनले भने, ‘एकै वर्ष ६२ खर्ब रुपैयाँ लगानी आवश्यक नभएकाले वार्षिक लगानी बढ्दै जाँदा रकम जुट्छ।’
त्यसैगरी नेपाल धितोपत्र बोर्डका उपनिर्देशक रुपेश केसीले प्राथमिक सेयर निष्कासनमा ३७ प्रतिशत जलविद्युत आयोजना सूचीकृत भएको बताए ।
उनले आर्थिक विकासका लागि पूँजी परिचालन गर्दै लगानीकर्ताको सेयर संरक्षण गर्ने दायित्व रहेको बताए ।
धितोपत्र बोर्डले पूँजी परिचालन विषयमात्र हेर्नेमा अब ऋण परिचालन गर्ने विषयमा व्यवस्था गरिएको उनले बताए ।
प्रतिक्रिया 4