+
+
Shares

सभामुखले तीन पटकसम्म बोलाइरहे, बोलिनन् सुमना

सभामुख घिमिरेले सुमनालाई तीन पटकसम्म बोलाएका थिए । तर, उनी बैठकमा थिइनन्। त्यसपछि सभामुखले माओवादी सांसद सुशिला श्रीपाली ठकुरीलाई बोल्न समय दिए ।

अनलाइनखबर अनलाइनखबर
२०८१ फागुन ६ गते १४:५८

६ फागुन, काठमाडौं । प्रतिनिधिसभाको मंगलबारको बैठक जारी छ । मंगलबारको बैठकमा राष्ट्रिय स्वतन्त्र पार्टी ९सांसद० सुमना श्रेष्ठले शून्य समयमा बोल्नका लागि नाम टिपाएकी थिइन् ।

उनलाई बोल्नका लागि सभामुख देवराज घिमिरेले समय दिए । एमाले सांसद सुनिता बरालले आफ्ना कुरा राखेपछि सभामुख घिमिरेले सांसद श्रेष्ठलाई बोल्न समय दिए ।

तर, सांसद श्रेष्ठ त्यतिबेला बैठकमा थिइनन् । रास्वपाका नेताहरुका अनुसार उनी रास्वपाकै कार्यबाहक महामन्त्री कबिन्द्र बुर्लाकोटीसँग संसद् परिसरमा संवादमा थिइन् । सभामुखले सुमनाको नाम बोलाएपछि रास्वपा सचेतक निशा डाँगी बोलाउन सभाकक्षबाट बाहिरिएकी थिइन् ।

तर, श्रेष्ठ संसद् सभाकक्षमा नफर्कंदै सभामुखले अर्का सांसदलाई बोल्न समय दिइसकेका थिए । सभामुख घिमिरेले उनलाई तीन पटकसम्म नाम बोलाएका थिए ।

यसअघि सोमबारको बैठकको आकस्मिक समयमा सांसद श्रेष्ठले बोल्न समय माग गरेका थिइन् । तर, सभामुख घिमिरेले आफूलाई बोल्न नदिएको भन्दै उनले रोष व्यक्त गरेकी थिइन् ।

भारतको ओडिसास्थित केआईआईटी कलेजमा प्रकृति लम्सालको मृत्युबारे कुरा उठाउन खोज्दा सभामुख घिमिरेले समय नदिएको उनको गुनासो थियो ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?