+
+
Shares

कुलमान घिसिङका अराजक गतिविधिलाई लगाम लगाउनैपर्छ : ऊर्जामन्त्री (भिडिओ)

अनलाइनखबर अनलाइनखबर
२०८१ फागुन ६ गते १६:००

६ फागुन, काठमाडौं । ऊर्जा, जलस्रोत तथा सिंचाईमन्त्री दीपक खड्काले नेपाल विद्युत् प्राधिकरणका कार्यकारी निर्देशक कुलमान घिसिङका अराजक गतिविधि सरकारले हेरेर नबस्ने टिप्पणी गरेका छन् ।

मंगलबार प्रतिनिधिसभाको बैठकलाई सम्बोधन गर्दै उनले कार्यकारी निर्देशक घिसिङले सरकारलाई नटेर्ने र सञ्चालका समितिका निर्णयहरू कार्यान्वयन नगर्ने गरेको आरोप लगाए ।

विद्युत्को क्षेत्रमा शतप्रतिशत लगानी सरकारकै भएको समेत उल्लेख गरे ।

‘उहाँ (कुलमान घिसिङ) ले केही राम्रो काम गर्नुभयो होला । त्यसका लागि पुरस्कार के दिनुपर्छ दिउँला । सञ्चालक समिति निर्णय गर्छ उहाँ कार्यान्वयन गर्नुहुन्न । सरकारलाई टेर्नुहुन्न,’ ऊर्जामन्त्री खड्काले भने, ‘शतप्रतिशत लगानी सरकारको छ । कर्मचारीहरू भाषण गर्दै जानुहुन्छ । तपाईंले पनि उहाँका गतिविधि बियर गर्नुभएकै छ । तर, उहाँका यस्ता अराजक गतिविधिलाई सरकारले सधैँ हेरेर बस्ने कुरा त हुँदैन । लगाम त लाउनुपर्छ ।’

कुलमानले राम्रो काम गरेको भए विश्लेषण गरेर पुरस्कार गर्न सकिने भएपनि देवता मान्न नहुने ऊर्जामन्त्री खड्काको भनाइ थियो ।

‘अहिले नेपाल विद्युत् प्राधिकरणका एमडीको कारणले लोडसेडिङ नभएर उत्पात भएजस्तो मान्नुहुन्छ । तत्कालिन अवस्थामा ८ वर्ष अगाडि नेपालको आवश्यकता लोडसेडिङ हुन नदिनका लागि साढे चार सय मेगावाटको आवश्यकता रहेछ,’ ऊर्जामन्त्री खड्काले भने, ‘त्यो कम भएको विद्युत् भारतबाट ल्याइयो । भारतबाट विद्युत् ल्याउनका लागि त पहिले नै ट्रान्समिसन लाइन बन्नुपर्थ्यो होला नि । त्यो ट्रान्समिसन लाइन कसका कारणले बनेको हो ? अनि उहाँ देवता हुनुभयो ?’

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?