२०८१ फागुन ७ गते १४:०० 
७ फागुन, काठमाडौं । दक्षिण एसियाली एथलेटिक्स क्रस कन्ट्री च्याम्पियनसिपमा सहभागी हुन ५ खेलाडीसहित ७ सदस्यीय नेपाली टोली बिहीबार पाकिस्तानको इस्लामाबाद प्रस्थान गर्ने भएको छ ।
फेब्रुअरी २३ तारिखमा हुने प्रतियोगिताको सिनियरमा २ र जुनियरमा ३ गरी ५ पुरुष खेलाडीले नेपालको चुनौती प्रस्तुत गर्ने छन् । सिनियरमा सुशिलकुमार शाही र सञ्जय श्रेष्ठ सहभागी हुने छन् ।
दुवै खेलाडी त्रिभुवन आर्मीका हुन्। जुनियरमा बादल कार्की, अजय विक र कृष्णबहादुर परियारले भाग लिने छन् । अजय नेपाल पुलिसमा आबद्ध छन् भने बाँकी दुई खेलाडी सिभिल हुन् ।
सिनियरमा १० किलोमिटर तथा जुनियरमा ८ किलोमिटर दूरीमा प्रतिस्पर्धा हुनेछ । यस पटक पुरूषतर्फ दुई ईभेन्टमा मात्र प्रतिस्पर्धा हुनेछ ।
प्रशिक्षकमा विमला राना मगर तथा व्यवस्थापकमा भीमकुमारी भुसाल रहेका छन् । टोलीलाई राष्ट्रिय खेलकुद परिषद् (राखेप) का सदस्य सचिव टंकलाल घिसिङले बुधबार एक कार्यक्रमबीच बिदाइ गरे ।
दक्षिण एसियाका सातवटै राष्ट्रका खेलाडी सहभागी हुने यस च्याम्पियनसिपमा राम्रो नतिजा ल्याउने नेपाली खेलाडीहरूले लक्ष्य राखेका छन् ।
प्रतिक्रिया 4