७ फागुन, काठमाडौं । नेपाली कांग्रेसका नेता डा. शशांक कोइरालाले २०८४ को निर्वाचनलाई मध्यनजर गरेर पार्टीलाई सशक्त बनाउनुपर्ने बताएका छन् ।
पार्टी केन्द्रीय कार्यालयमा भएको प्रजातन्त्र सेनानी संघको महाधिवेशनलाई सम्बोधन गर्दै पूर्वमहामन्त्रीसमेत रहेका कोइरालाले अब सबैको ध्यान आगामी निर्वाचनतर्फ केन्द्रित हुनुपर्ने बताए ।
‘नेपाली कांग्रेसलाई सशक्त बनाउन प्रजातन्त्र सेनानी संघको पनि महत्वपूर्ण भूमिका छ । २०८४ मा निर्वाचन आउँदैछ । त्यसलाई मध्यनजर गरेर यो संगठनले नेपाली कांग्रेसलाई टिवा दिन्छ भन्ने विश्वास व्यक्त गर्छु,’ उनले भने ।
उनले बीपी कोइरालाले देखेका सपना साकार पार्ने जिम्मेवारी अबको नेतृत्वको काँधमा आउने भन्दै पार्टीका कर्णधारहरूले त्यसको जिम्मेवारी बुझेर अघि बढ्नुपर्ने पनि बताए ।
नेपाली कांग्रेसको भ्रातृ संस्था पैजातन्त्र सेनानी संघको महाधिवेशन २५ वर्षपछि हुन सकेको थिएन । १० फागुनसम्म चलने महाधिवेशनले नयाँ नेतृत्वसमेत चयन गर्नेछ ।
प्रजातन्त्र सेनानी संघको पहिलो महाधिवेशन २०५३ मा भएको थियो । २०५६ मा दोस्रो महाधिवेशन हुनुपर्नेमा त्यसयता तदर्थ समितिबाट चल्दै आएको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.jpeg)
प्रतिक्रिया 4