७ फागुन, काठमाडौं । नेपाली कांग्रेसका केन्द्रीय सदस्य एवं शिक्षा विभाग प्रमुख नैनसिंह महरले शिक्षकलाई निजामती सरह सेवा सुविधा दिइनुपर्ने बताएका छन् ।
नेपाल शिक्षक संघ ललितपुरले आयोजना गरेको सम्मान कार्यक्रमलाई सम्बोधन गर्दै नेता महरले यस्तो बताएका हुन् ।
‘शिक्षकलाई निजामती सरहको सेवा सुविधा दिइनुपर्छ । भौतिक पूर्वाधारमा ध्यान दिने, तालिम र परीक्षणमा ध्यान दिने कुरामा राज्य गम्भीर बन्नुपर्छ,’ उनले भने ।
गुणस्तर अभिवृद्धिका लागि शिक्षामा २० प्रतिशत बजेट छुट्याइनु पर्नेमा उनको जोड थियो ।
नेता महरले संसदमा विचाराधीन विद्यालय शिक्षा विधेयकलाई संघीय संसदको चालु हिउँदे अधिवेशनबाट पारित गर्न समेत सरकारसँग माग गरे ।
विद्यालय शिक्षा विधेयकमा रहेका विषयमा सरोकारवालासँग छलफल गरेर उनीहरूको रायलाई पनि स्थान दिएर पारित गर्नुपर्ने उनको सुझाव छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.jpeg)
प्रतिक्रिया 4