२०८१ फागुन ८ गते ७:२८ 
८ फागुन, काठमाडौं । स्टार स्ट्राइकर किलियन एमबापेले ह्याट्रिक गरेपछि रियल मड्रिड युरोपियन च्याम्पियन्स लिग फुटबलको अन्तिम १६ मा प्रवेश गरेको छ ।
बुधबार राति भएको प्लेअफको दोस्रो लेगमा म्उान्चेस्टर सिटीमाथि ३ -१ को जित निकाल्दै समग्रमा ६-३ को नतिजाले रियल अन्तिम १६ मा पुगेको हो । हारसँगै सिटी भने बाहिरिएको छ ।
घरेलु मैदानमा भएको खेलमा रियलका लागि चौथो मिनेटमै गोलको खाता खोलेका एमबापेले ३३औं र दोस्रो हाफको ६१औं मिनेटमा गोल गर्दै ह्याट्रिक पूरा गरे । इन्जुरी समयमा निकोलस गोन्जालेजले सिटीका लागि सान्त्वना गोल फर्काए ।
सिटीको मैदानमा भएको पहिलो लेग पनि रियलले नै ३-२ गोलअन्तरले जितेको थियो । यसपटक फरक फर्म्याटमा भएको च्याम्पियन्स लिगमा दुवै टोली शीर्ष ८ मा नपर्दा प्लेअफ खेल्नुपरेको थियो ।
त्यसमाथि पनि दुई बलिया टोली प्लेअफमा एकअर्कासँगै भिड्ने समीकरण बनेको थियो ।
प्रतिक्रिया 4