२०८१ फागुन ८ गते ७:४१ 
८ फागुन, काठमाडौं । फ्रेन्च क्लब पिएसजी युरोपियन च्याम्पियन्स लिग फुटबलको अन्तिम १६ मा प्रवेश गरेको छ । प्लेअफको दोस्रो लेगमा ब्रेस्टलाई ७-० को फराकिलो अन्तरले हराउँदै पिएसजी समग्रमा १०-० को नतिजासहित अगाडि बढेको हो ।
पिएसजीको जितमा ब्राड्ली बार्कोला, किविचा कारात्सखेलिया, भितिन्हा, डिजायर डाउर, नुनो मेन्डेस, गोन्सालो रामोस र सेनी मायुलुले १-१ गोल गरे । पहिलो हाफमा दुई गोल गरेको पिएसजीले दोस्रो हाफमा ५ गोल थपेको थियो ।
च्याम्पियन्स लिग इतिहासमा एउटै खेलमा सात फरक खेलाडीले गोल गरेको यो पहिलोपटक हो । यसअघि पहिलो लेगको खेलमा पिएसजी ब्रेस्टकै मैदानमा ३-० ले विजयी भएको थियो ।
गएराति नै भएको अर्को खेलमा इटालियन क्लब युभेन्ट्स पिएसभीसँग स्तब्ध हुँदै प्लेअफबाटै बाहिरिएको छ । पिएसभीले घरेलु मैदानमा भएको खेलमा ३-१ को जित निकाल्यो ।
पहिलो लेगको खेल २-१ ले जितेपनि युभेन्ट्सले उक्त अग्रतालाई कायमै राख्न नसक्दा समग्रमा ४-३ गोलअन्तरले पराजित भयो ।
योसँगै च्याम्पियन्स लिगको प्लेअफका खेलहरू पनि सकिएका छन् ।
प्रतिक्रिया 4