प्रकृतिको मृत्युबारे रवीश कुमार- केआईआईटी र प्रहरीले पहिल्यै कारबाही गरेको भए…

नेपाली विद्यार्थी प्रकृति लम्सालको मृत्युको घटना एकदमै अफसोचपूर्ण छ । ठिक छ, यो घटनामा ६ जनाको गिरफ्तारी भएको छ ।

तर, यो गिरफ्तारी त्यतिबेला भयो, जब नेपालका प्रधानमन्त्री केपी ओलीले ट्वीट गरे, लेखे कि भारतमा रहेको नेपाली दूतावासका दुई अधिकारीलाई नेपाली विद्यार्थीको मद्दतका लागि ओडिसा पठाइएको छ ।

यस्तो लेख्नुपर्ने स्थिति किन आयो ? केआईआईटी र ओडिसाको पुलिसले पहिल्यै भरोसा योग्य कारबाही गरेको भए नेपालको प्रधानमन्त्रीले यस्तो ट्वीट गर्न पर्दैनथ्यो । नेपाली विद्यार्थीमाथि जस्तो व्यवहार भयो त्यो एकदम गलत थियो ।

केआईआईटीका अधिकारीहरूले जसरी भने नेपालका जति बजेट छैन, त्यसभन्दा बढी उनको युनिभर्सिटीले विद्यार्थीलाई सित्तैमा खाना खुवाइरहेको छ । कुनै पनि युनिभर्सिटीमा यति धेरै अहंकार हुनु हुँदैन । यसले हामी दोस्रो देशलाई कसरी हेर्न थालेका छौं भन्ने देखाउँछ ।

कुनै पनि देश कुनै मुलुकभन्दा कम हुँदैन । यो एउटा न्यूनतम जानकारी हो, सबैले यो बुझ्नुपर्छ । जुनसुकै युनिभर्सिटीमा जहाँ दोस्रो मुलुकका विद्यार्थी पढ्छन् उनीहरूले आफ्नो कर्मचारीलाई यो कुरा जरुरी छ ।

भारतको बजेट पनि दुनियाँमा कतिपय राष्ट्रहरुको तुलनामा एकदम कम छ । अन्तर्राष्ट्रिय छात्रा भारतको भरोसामा आउँछन् । यो भारतको छविको पनि विषय हो, किन नेपालको छात्रालाई होस्टल खाली गर्न भनियो ? के यसरी छात्राहरुलाई निकाल्न मिल्छ कि तिमी आफ्नो घर जाउँ ? के उनीहरूलाई छिटो होस्टल खाली नगर्दा पिटियो पनि ?

कसरी ५ सय छात्रालाई बसमा राखेर क्याम्पसबाट निकिालयो ? यो कसको आदेश थियो कसको फैसला थियो ? को को यसमा संलग्न थिए यो सबै विषयमा जाँच हुनुपर्छ । र, विदेश मन्त्रालयले हस्तक्षेप गरेर ठोस कारबाही सुनिश्चित गर्नुपर्छ । यो विषय केवल एउटा कलेज वा युनिभर्सिटीको मात्र होइन । भारतको पनि हो र यही विषय त्यहाँ पढ्नेवाला भारतका विद्यार्थीको पनि हो ।

प्रकृति उनीहरूको साथी थिइन् । उनीमाथि सही भयो कि गलत भन्ने विषयमा सिर्फ क्लासमेटको नाताले हेर्नुपर्छ । यसलाई भारत र नेपालको मामला बनाउनु हुँदैन ।

मलाई आशा छ, विद्यार्थीहरूले यो विषय सम्झन्छन् । किनभने, केआईआईटीका छात्रा पनि बढी संख्यामा दोस्रो देशमा काम गर्न जान्छन् । यो उनीहरुका लागि पनि जरुरी हो कि केआईआईटी सबैसामू बराबरका साथ पेस आओस् ।

ओडिसा सरकारले एउटा कमिटी बनाएको छ, ६ व्यक्ति पक्राउ परेका छन् । जो पनि पक्राउ परेका छन्, उनीहरूमाथि पारदर्शी तरिकाले जाँच हुनुपर्छ ताकि यसलाई लिएर अड्कल र अफवाह नफैलियोस् । हत्या वा आत्महत्या जे पनि जाँच हुन्छ, पुलिसलाई प्रकृतिको परिवार र साथीहरुलाई पनि भरोसामा लिने गरी जाँच हुनुपर्छ ।