२०८१ फागुन ८ गते १७:२८ 
८ फागुन, काठमाडौं । काठमाडौंमा जारी चार राष्ट्र सम्मिलित इन्टरनेशनल वुमन्स च्याम्पियनसिप अन्तर्गत नेपालले आज आफ्नो दोस्रो खेलमा लेबनानसँग खेल्दै छ ।
केहीबेरमा दशरथ रंगशालामा सुरु हुने खेलका लागि नेपालले पहिलो खेलबाट दुई परिवर्तन गर्दै प्लेइङ ११ सार्वजनिक गरेको छ ।
पहिलो खेलका क्रममा घाइते भएकी निशा थोकर र रश्मी कुमारी घिसिङ बेन्चमा छन् । निशाको स्थानमा समिक्षा घिमिरे पहिलो रोजाइमा आएकी छन् भने रश्मीको स्थानमा सावित्रा आएकी हुन् ।
पहिलो खेलमा सावित्रा दोस्रो हाफमा सबस्चिट्युटका रूपमा मैदान उत्रिएकी थिइन् । नेपालले पहिलो खेलमा कीर्गिस्तानलाई १-० ले हराएको थियो ।
नेपालले आजको खेल जितेमा म्यानमार र नेपाल एक खेलअगावै फाइनलमा स्थान बनाउने पक्का हुनेछ ।
प्रतिक्रिया 4