२०८१ फागुन ८ गते २२:२३ 
८ फागुन, काठमाडौं । पहिलो संस्करणको च्याम्पियन काठमाडौं रेजर्सले नेपाल सुपर लिग (एनएसएल) को तेस्रो संस्करणका लागि तीन खेलाडी रिटेन गरेको छ ।
काठमाडौंले डिफेण्डर कुलदिप कार्की, मिडफिल्डर दिपेश गुरुङ र गोलकिपर अभिषेक बराललाई अक्सनअघि रिटेन गरेको हो । तेस्रो सिजनको लागि ३ खेलाडी सम्म रिटेन गर्न पाइने प्रावधान छ भने त्यसमा क्याटेगोरी ए को एक खेलाडी अनिवार्य हुनुपर्नेछ ।
एनएसएलको तेस्रो सिजनको लागि अक्सन यही फागुन १० गते शनिवार हुँदैछ । तयसअघि सहभागि टिमहरुले खेलाडी रिटेन गर्ने, मार्की प्लेअर घोषणा गर्ने र प्रशिक्षक नियुक्त गर्ने क्रम जारी छ ।
नेपाल स्पोर्ट्स एण्ड इभेन्ट म्यानेजमेन्ट (एनएसइएम) को आयोजनामा हुने एनएसएलको तेस्रो संस्करण चैत १६ देखि सुरु हुने तालिका छ । तेस्रो संस्करणमा ७ टिमले प्रतिस्पर्धा गर्नेछन् ।
प्रतिक्रिया 4