२०८१ फागुन ९ गते ११:४६ 
९ फागुन, काठमाडौं । नेपालका उदीयमान धावक राजन चौधरी १०औं अपोलो टायर्स न्यु दिल्ली म्याराथनमा दौडने भएका हुन् ।
यही फेब्रुअरी २३ (फागुन ११ गते) हुने भारतको यो प्रतिष्ठित म्याराथनमा उनले आफ्नो उपस्थिति जनाउने पक्का भएको छ ।
राजन चौधरी १६औँ काठमाडौँ म्याराथनमा समग्रमा दोस्रो भएका थिए । उनले उक्त म्याराथन २ घण्टा ३९ मिनेटमा पूरा गरेका थिए ।
काठमाडौँ म्याराथनको आयोजक एनआरएस स्पोर्ट्स फाउन्डेशनले राजन चौधरीलाई प्रोत्साहन स्वरुप दिल्ली म्याराथनमा सहभागी जनाउन दर्ता तथा सम्पुर्ण व्यवस्थापन गरेको थियो ।
यस अभियानको व्यवस्थापनका लागि दिल्लीमा बस्दै ऐएका मनिष श्रेष्ठकव विशेष सहयोग रहेको छ ।
एनआरएस स्पोर्ट्स फाउन्डेशनका अध्यक्ष तथा काठमाडौँ म्याराथनका मुख्य आयोजक निलेन्द्र राज श्रेष्ठले राजनलाई सफलताको शुभकामना दिँदै बिहीबार बिदाई गरेका थिए ।
प्रतिक्रिया 4