२०८१ फागुन ९ गते १४:५९ 
९ फागुन, काठमाडौं । नेपाल सुपर लिग (एनएसएल) को तेस्रो सिजनका लागि मिनी अक्सन हुने भएको छ ।
आयोजक नेपाल स्पोर्ट्स एन्ड इभेन्ट म्यानेजमेन्ट (एनएसईएम) ले शुक्रबार प्रेस रिलिज जारी गर्दै पहिलो पटक मिनी अक्सन हुने बताएको हो । जसमा क्याटेगोरी ए र बी का खेलाडीहरु मात्र अक्सनका लागि समावेश गरिएको हो । क्याटेगोरी ए मा १५ र क्याटेगोरी बी मा ४५ खेलाडी छन् ।
चैत १६ देखि सुरु हुने एनएसएलमा ७ फ्रेन्चाइज टिमले प्रतिस्पर्धा गर्नेछन् । यस पटक आयोजकले रिटेन्सन पोलिसी समेत लागू गरेको छ । जस अनुसार टिमले ३ जना खेलाडीसम्म रिटेन गर्न पाउनेछन् । यस्तै हरेक टिमको छुट्टै मार्की खेलाडी समेत हुनेछ ।
अक्सन बाहेक क्याटेगोरी सी लगायत खेलाडी भने ड्राफ्ट मार्फत टिममा राख्न सकिने आयोजकले यसअघि नै जनाएको छ ।
प्रतिक्रिया 4