२०८१ फागुन ९ गते १५:०५ 
९ फागुन, काठमाडौं । प्रधानमन्त्री कप एकदिवसीय पुरुष राष्ट्रिय क्रिकेट प्रतियोगिता फागुन २५ देखि चैत १६ गतेसम्म लुम्बिनी प्रदेशको तीन मैदानमा हुने भएको छ ।
नेपाल क्रिकेट संघ (क्यान) ले शुक्रबार रिलिज जारी गर्दै सिद्धार्थ रंगशाला, एक्सट्राटेक र दाङको लमहीमा प्रतियोगिता हुने जनाएको हो ।
राष्ट्रिय खेलकुद परिषद्को कार्यक्रमअनुसार हुने यस प्रतियोगितामा ७ प्रदेश र ३ विभाग गरी १० टोलीले प्रतिस्पर्धा गर्नेनेछन् । खेलहरु सिंगल राउन्ड रोबिनका आधारमा खेलाइनेछ । लिग चरणको खेलपछि शीर्ष दुई टोलीबीच फाइनल खेल हुनेछ ।
सिद्धार्थ रंगशालामा फाइनलसहित १७ खेल हुनेछ भने एक्सट्राटेकमा १५ तथा लमहीमा १४ खेल हुनेछ ।
प्रतिक्रिया 4