९ फागुन, काठमाडौं । संस्कृति, पर्यटन तथा नागरिक उड्डयनमन्त्री बद्री पाण्डेले दुर्लभ भाषा संरक्षण र विकासका लागि ध्यान दिनुपर्ने बताएका छन् ।
अन्तर्राष्ट्रिय मातृभाषा दिवसको रजत महोत्सवमा भाषा प्रयोगशाला उद्घाटन गर्दैै मन्त्री पाण्डेले लोपोन्मुख र दुर्लभ भाषा लोप हुन लागेको प्रति चिन्ता व्यक्त गरे ।
‘लोपोन्मुख र दुर्लभ भाषा लोप हुँदै गएका छन् । अहिले कुसुन्डा बोल्ने एक जनामात्र व्यक्ति रहेछन्,’ उनले भने, ‘दुर्लभ भाषा संरक्षण र विकासका लागि हामीले ध्यान दिन जरुरी छ ।’
उनले प्रत्येक भाषाले बोकेको सन्देश, अर्थ, संवेदनशीलता, दर्शन, इतिहास, सभ्यता जतिसुकै भए पनि एकले अर्काको भाषा बोल्न नसक्ने बताए ।
मन्त्री पाण्डेले ज्ञानको बहुआयामिक महत्त्व जोगाउन भाषाको महत्त्व बढ्दै गएको बताए । उनले मुलुकमा हाल १ सय ३१ भाषा बोलिने गरेको उल्लेख गर्दै अन्वेषण हुँदै जाँदा भाषा बढ्दै जाने समेत बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.jpeg)
प्रतिक्रिया 4