२०८१ फागुन १० गते ११:३४ 
१० फागुन, काठमाडौं । नेपाल सुपर लिग (एनएसएल) को मिनी अक्सनमा फरवार्ड नवयुग श्रेष्ठ र गोलकिपर विकेश कुथु अनसोल्ड भएका छन् ।
राष्ट्रिय टिमबाट खेलिसकेका यी दुवै खेलाडीलाई अक्सनमा कुनै टिमले बोली लगाए । दुवै खेलाडी यसअघि एनएसएलमा मार्की प्लेअरको भूमिकामा रहिसकेका खेलाडी हुन् ।
तर एनएसएलको तेस्रो सिजनको लागि पनि प्रतिस्पर्धी ७ वटै टिमले यी खेलाडीमा बिड लगाएनन् । यस्तै युवा गोलकिपर जियारथ शेख, फरवार्ड उज्वल राई र राजिव लोप्चन पनि पहिलो चरणमा अनसोल्ड भएका छन् ।
अनसोल्ड प्लेअरहरुलाई पछि फ्रेन्चाइजहरुले आफ्नो विसलिस्ट मार्फत लिन सक्नेछन् ।
मिडफिल्डर मणि कुमार लामा सबैभन्दा धेरै ४ लाख रकम सोल्ड भएका छन् । उनलाई लक्की ड्र बाट साविक विजेता ललितपुर सिटीले प्राप्त गरेको हो ।
प्रतिक्रिया 4